خيانة ثقة

Tofu_51257 🇪🇬

منذ 3 أشهر

شعور قلق

كان بيحللي مشاكلي وكان الوحيد الاستأمنته علي اسراري حكيت لصحابي عليه وكانوا بيقولولي يا بختك في حد بيسمعك .. طول عمري بقول ان حد يتعلق بجد لدرجه دي ويروح المستشفي بسببه ويقوله وميفرقش معاه انا مفرقتش معاه والا اطمن عليا ... كنت بتقول انك بتضايق لما بعيط ... انا مقهوره مش بعيط بس

Donut_48453 🇯🇴

منذ 4 أشهر

شعور غبي

موضوع:

ف مره دخلت ف علاقه حب سوشيال او صداقه!!!

هي مش حب لكن صداقه و كان يقولي مين حلاوتي مين ابصر شو ..يبعتلي صور عضلاتو كان شمال بالكلام معي بس احط حدود ...طلع بضحك عليي و كل الصور فيك مشان ياخد صوري بس انا ما بعثت والي كشفه اكس صديقتي الله يخليه + دي اول مرا اتكلم مع شباب و اول مرا ارتاح واحس اني حبيته وبجد اول تجربه ضليت مكتأبه اسبوع بحاله ..

Coffee_51317 🇪🇬 للاسف مش لازم نفتكر الناس نفس طبعنا و انهم فعلا طيبين و بيحبونا لازم تستني موقف يثبتلك ان اللي قدامك كويس غير كدا مفيش اسهل من انو يقعد يكدب عشان يستغلك خدي اللي حصل انك تتعلمي درس لسا العمر طويل بيكونو دروس بنتعلم منها عشان منغلطش نفس الغلطه تاني بس متخليش اللي حصلك يكرهم في ناس ممكن تطلع كويسه معاكي بسبب واحد ميستهلش انك تزعلي عليه

عرض الكل 1 نصيحة

Tofu_51257 🇪🇬

منذ 5 أشهر

شعور مستنزف

عندي واحده صحبتي باباها يعرف واحده علي مامتها والواحده دي قد جدتها حرفيا وعندها عيال في جامعه وكل ماتبقي خارجه مع باباها تشوفوا بيكلمها واتس و بياخد فلوس مامتها بحجه انه بيصرف علي البيت " فلوس ورث او جدها بيدهالها" وبياخد بالعشرين الف وبيخلصوا في شهرين مع انها بتحلفلي انهم مش بيطلبوا حاجات تخلي الفل

Mango_11276 🇶🇦

منذ 5 أشهر

شعور مستنزف

موضوع:

رساله عايز تقولها لحد بس م عارف.

عبّر عن شعورك بشكل مجهول

هموت واشتمك عامةً بس اللي حايشني اخلاقي. مش فاهمة، كل مرة باجي واضحة وبقول اللي فعقلي بالضبط، ولما تسألني ايه اللي مضايقك بقولك اللي في دماغي بالضبط وبرضو تروح وترجع تعملوا، ما انا مش فاهمة، طالما مش فارق بتاكل 💩 تسألني ليه؟ مهو مش طبيعي كل مرة تسيبني لدماغي وأنا اللي اقعد ابرر التصرفات من دماغي عشان تيجي تقولي انتي عارفني، احيه بجد، ما ليه انا اللي اقعد افزر واحزر اللي فدماغك، ليه مش انت اللي تيجي وتشرح وتقول اللي فدماغك؟ وبعدين تيجي تقولي البنات دايماً مش بيقولوا اللي في دماغهم، والله؟!!!! وبعدين ليه أنا اللي دايماً بعمل مجهود وادادي وادعم واطبطب واتكلم في الموضوع مليون مرة لغاية ما تتخطاه واطمن واشارك افكاري وانت عامل زي الحيطة؟ وبعدين تيجي تقول انتي اقرب حد ليا، انت بتتعاطى يبني؟ نفسي مرة بس كلامك يكون ماشي مع أفعالك عامةً.بتأجل كل حاجة ومش عارف عايز ايه ومش بتيجي سكة ودغري وتقولي ان احنا شبه بعض وانت تصرفاتك في حتة وكلامك مجاش هناك اصلاً.سبحان الله كل مرة بمشي بمزاجي وبقول هبقى متفهمة بس النهاردة كانت آخر قطرة غالباً لدرجة مش قادرة ادي اي ردة فعل، ده حتى انت خدت بالك اني مش عارفة اتكلم وحسيت اني حمشي فقاعد تبرر من الصبح، بس اقسم بالله أنا لو مشيت ما هلف وأرجع تاني وانت عارف ده كويس، لأنه الحمدلله عمري ما قلت حاجة إلا وعملتها لأني الحمدلله عارفة قيمتي وعارفة أنا عايزه ايه ومش عايزه ايه، وأنا مش عايزه انا بس اللي ادي واحرق مجهود عالفاضي! عمري ما كنت استنى من حد مقابل، بس اقلها تحترم الدعم النفسي والمعنوي اللي كنت بقدمه وتحترم اني بشر برضو واحياناً زي ما بتلاقيني دايماً موجودة يمكن كنت محتاجة في مرة وحده بس انت كمان تكون موجود، بس ما علينا، أساساً مش حتستوعب اللي بقوله عامةً عشان ولا مرة عبرت فيها كنت مركز اساساً.والله لو قعدت اكتب للصبح مش حخلص اساساً
I guess I’ll never understand men at this point, All they can give is disappointments.

Chilli_51152 🇪🇬

منذ 5 أشهر

شعور عاطفي

Croissant_51043 🇪🇬 بصي احنا منعرفهوش اكتر منك ممكن فعلا يكون عمل كدا عشان تخدي الموضوع بجديه زي م هو قال وانتِ برضو بتقولي انه قالك كذا مره وانتِ متغيرتيش بس عاوزه اقولك ان عينه فعلا هتبين اذا كان بيحبك ولا لأ، ف انتِ ممكن تتكلمي معاه تاني وتفهمي اكتر وحاولي تغيري من نفسك عشانه ، هو عاوزك تتكلمي معاه ودي حاجه لطيفة هو عاوزكم تاخدو ع بعض ف هو مش غلطان وباين فعلا انه بيحبك طالما كان مستعد انه يتناقش معاكِ..

عرض الكل 4 نصيحة

عبّر عن شعورك بشكل مجهول

عندي مشكله
خطيبي جه مره واحده كدا يفتح معايا كلام
ف قالي هو انا بالنسبالك ايه، قلتله ايه السؤال ده انت عارف طبعا ولا عايزني اأكدلك، قالي لا عارف بس  انا مش عايز اكمل، قعد يقولي كذا سبب وفي منها حاجات مش ب ايدينا احنا الاتنين وبسبب الظروف، وفي حاجات كانت مدايقاه فيا وانه كلمني فيها قبل كدا ومتغيرتش اوي، ومنها مثلا انه حاسسني مش مهتمه ليه ومش بحب اتكلم عن نفسي كتير وهو بيبقى عايزني اتكلم واحكي، لكن انا بطبعي ومتعوده طول حياتي معنديش صحاب واهلي مش بيتكلموا معايا غير في الدراسه دي كل حياتي ف مش متعوده اتكلم براحتي وبثقه، ده غير اني بحس ان محدش مهتم يسمعني ف بردو بسكت.
وانا اصلا انطوائيه، انا مبسوطه اننا قاعدين مع بعض لكن مش مهتمه نتكلم كتير ونرغي
قلتله الكلام ده لكن مقتنعش اوي وقالي انا اعرفك بقالي شهور احنا داخلين في سنه انا ساعات بحسك مش طايقاني.
المهم اتكلمنا شويه وبعدها قالي طب تعالي نفكر شويه مع بعض، وقعدنا نتكلم وفي الاخر قالي انا مش هسيبك، وانا طبعا اتدايقت وقعدت اعيط، قالي انا قلت كدا بس عشان تاخدي الموضوع بجديه!
انا بحبك بعيبك وهفضل احبك مش هسيبك، بس انا كنت حسه اني مش قادره اصدقه بعد الي حصل.
الصراحه بقالي كتير بفكر في الموقف مش عارفه مين الغلطان
ايه رأيكوا ياجماعه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_42571 🇪🇬

منذ 5 أشهر

شعور عاطفي

سلام عليكم ورحمه الله وبركاته اخواتي في موضوع حابب اتكلم معاكم بخصوصه كنت مصاحب بنت في الجامعه وبعد فتره ارتبطت بيها كده كانت في فتره الصحاب بتكلم شباب من الكليه وكده مش كلام كلام يعني المهم بعدها ارتبطنا ولاقيت شات ليها مع واحد صحبي لما واجهتها قالتي والله انا كنت بحاول انهي كل ده واحده واحده من ن

Mango_28239 🇪🇬

منذ 5 أشهر

شعور محبط

Sugar_49831 🇪🇬 اوعى تعمل كده اللى ستره ربنا ميفضحوش عبد ابعد عن بيت صاااحبك دة نهاائى ومتدخلوش تانى لو ايه حصل ولو صاحبك دة كويس انسى الموقف دة خالص واتعامل عادى ربنا يكملك بعقلك يارب ويثبتك اللى عملته احسن تصرف ربنا يباركلك يارب ادعيلها ربنا يهديها وتتوب واتعود على حاجه بلاش تدخل بيت مفيش فيه راجل انا فاهمة انك مفيش فى نيتك حاجه بس الشيطان اتخلق وليه دور وربنا يهدينا ويهدى شباب وبنات المسلمين اجمعين🤲🏻

عرض الكل 3 نصيحة

عبّر عن شعورك بشكل مجهول

حصل معايا موقف وعايز رايكم بصراحه
وهل التصرف اللي انا عملته ده صح ولا غلط
ليا واحد صاحبي اكبر مني بسنتين انا عندي 24 سنه
هو لسه متجوز ما بقى له شهرين 
وهو زي اخويا يمكن اكتر كمان ف العاده انا ما بروحلوش البيت ازوره اغلب الوقت بنكون مع بعض في الشغل او بره في الشارع وفي يوم رنيت عليه قلت له نتقابل قال لي ماشي وطلب مني اطلع اقعد عنده شويه في الشقه لحد ما يلبس وبعد كده نزل نتمشى
انا ما بحبش اروح لعند حد البيت عشان ما اتقلش عليك عشان اهله وكده لكن ده صاحبي عادي يعني وكنت احيانا بزوره عادي قبل ما يتجوز اصلا المهم
رحت للبيت ما لقيتوش في البيت مراته هي اللي فتحت لي وانا واقف بره قدام الباب سالتها عليه قالت لي نزل يجيب حاجه وجاي قلت لها خلاص ماشي هستنى تحت قالت لي لا ما يصحش استناه هنا عادي لحد ما يجي احرجتني فاضطريت ادخل اقعد استناه جوه
المهم عشان ما اطولش لما قعدت استنيته جوه هي دخلت الاوضه وبعد كده طلعت بلبس مش كويس وجت قعدت جنبي وفاضل تتلزق فيا قمت بعتها عني وفتحت الباب ومشيت على طول وانا نازل على السلم قابلت صاحبي وقلت له ان انا هستناه تحت هو افتكر ان انا كنت لسه جاي وبالفعل شويه كده وصاحبي نزل مراته ما قالتلوش حاجه وانا ما قلتلوش حاجه حاسس بالذنب وحاسس ان انا خنته المفروض كنت اقول له على اللي حصل ومش عارف بصراحه قولوا لي اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_49822 🇪🇬

منذ 5 أشهر

شعور محبط

ازاى حد بعد ما تبوح ليه بكل مشاكلك وتعبك وانك قد ايه انطوائى واختارته هو عشان تتكلم معاه يبدع ويبتكر ويثبتلك انك المفروض مكنتش تآمن ليه وكنت صح لما كنت بعيد عن الناس كلها بس بجد ليه الناس مؤذية كده ولا انا ال عبيط وبيتضحك عليا بس الاكيد انى مش هتعامل مع حد تانى واسيبله المجال انه يعرفنى هو يبقى التع

Potato_49372 🇪🇬 ربنا يعوضك خير 🤍

عرض الكل 3 نصيحة

Cookies_47016 🇪🇬

منذ 5 أشهر

شعور مرتبك

Strawberry_49842 🇪🇬 بصي والله من رأيي سامحيها و المسامح كريم و خيركم من بدأ بسلام . و انسي القديم و هيا كمان و من اول صفحه جديده تاني بيضه متفاهمين و ربنا يوفقكم يارب جميعا .

عرض الكل 6 نصيحة

عبّر عن شعورك بشكل مجهول

عندى واحدة صحبتى هى كانت بجد قريبة منى اوى وبحكيلها على حجات كتير ف حياتى بس برضو معرفتش انى اثق فيها اوى بحكم انى وثقت بناس كتير وانا الى اتأذيت فى الاخر بس بجد هى شخصية طيبة اوى بس برغم انى مكنتش بسال على حد خالص ما عدا هى كنت  بدخل اكلمها علطول وانا دايما بنصحها وهى كانت بتحب كدا لو عملت حاجة غلط كنت اقولها واعاتبها بس هى لما لنا كنت بقول حاجة هى بتدايق منها هى كانت بتسكت لحد اما انا وهى نتخانق وبعدين تقولى ما انت عملتى كذا وكذا وانا متكلمتش ف انا استغرب لان هى دايما بتعمل كدا لحد ما جى يوم هى بعدت وانا استغربت ودخلت كلمتها واتس ولما مردتش كلمتها انستا لقتها بتقولى اصل الواتس خد بان طب مقولتيش لى قالت ما انا فكرت انى قولتلك قولت تمام وبعدين جى يوم ورا التانى هى مش بتساال خالص ولما انا ادخل تكلمنى على قد السؤال الى انا سألتو يعنى لو قولتلها عاملة اى تقولى الحمد لله وانت وخلاص على كدا ف جيب ف يوم قولت اعاتبب مع انى ف العادة مش بعااتب حد خالص الى عايز يمشى يمشى بس هى كانت غير  المهم انى لما عاتبتها ندمت انى عاتبتها بجد كلمتنى ببرود فظيع وانا شخصية صعب ان حد يعصبها لانى شخصية باردة عامة بس فعلا كلمتنى بطريقة انا استغرب انا عملت اى لكل دا وسعتها مكلمتهاش مع انى كنت عايزة ادخل اوى قعت 4 شهور م بكلمها لحد اما دخلت كلمتنى قالتلى انت وحشتينى ومعرفش اى ف انا معرفتش اعمل حاجة غير انى اسالها عن اخبارها وقالتلى عايزين نرجع اخوات ذى الاول بجد وحشنى الكلام معاكى ومعرفش اى قولتلها انت اصلا الى بعتى ومن غير سبب بعتى وانا معرفش بعدت لى قالتلى مش لازم انسى القديم قولتلها م هنسى حاجة غير لما تقولى انت بعتى لى قالتلى انى قولتلها كلام دايقها قبل كدا وانا حرفيا بجد ادايقت جامد طيب هى لى مجتش قالتلى من الاول انها بتدايق مثلا من كذا لى سكتت لى خلتنا بعاد اوى كدا هى الى عملت كل المسافات دى بس بجد انا مش عارفة اكرها خالص لسا بحبلها الخير واحنى الاتنين دلوقتى ف 3 ث ادعولنا وادعوا ربنا يوقفها ف حياتها ويهديها + ان انا وهى علاقتنا بقت سطحية اوى عبارة عن انى ببعتها امتحانات ومذكرات وملخصات يا هى تدخل تسالنى على حاجة ف المنهج بسس انا بجد نفسى نرجع ذى الاول اخوات بس هى الى عملت كدا من الاول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_38280 🇯🇴

منذ 6 أشهر

شعور مكسور القلب

موضوع:

هل في يوم اتعلقت بحد؟

اكبر مشكلة عندي التعلق … يمكن لان ما عندي خوات وبحس حالي وحيدة اغلب الوقت ، كل ما بصاحب بنت بتعلق فيها ونفسي نكون صاحبات للابد زي الصحبة الي بتكون بالكرتون تحبني وتدافع عني وتكون قد الثقة لكن دائما كنت الطرف الي بعمل هيك … لكن همه لاا يعني لو حدا حكا عني بالعاطل ما بدافعوا عني بسكتوا بعدين بنقلولي

Ice Cream_39488 🇪🇬 اختاري صحاب شبهك ماتقربيش من حد غير لما تتأكدي انه شخص كويس و يستاهل الثقة و يستاهل الصداقة احمي نفسك من التعلق بناس غلط

عرض الكل 2 نصيحة

Marshmallow_40052 🇪🇬

منذ 7 أشهر

شعور محبط

Pineapple_34975 🇪🇬 بصي هي اكيد صدفة شكل التيم ده هيجيلك من وراه مشاكل فربنا بعدك عنه يمكن ربنا عايزك تعملي تيم تاني هتنجحي فيه نجاح اكبر ده كمان حط كل الناس الي انت شيفاها وحشين مع بعض عشان محدش يضايقك انت لو شيفاها حاجة وحشة بصي لها من ناحية تانية هتلاقيها مليانة خير كبير اوي وبعدين ما فيش حاجة اسمها تعبي يروح اعتبريها خبرة وبعدين ربنا ما بيضيعش تعب حد الشيطان بيصورلك ان ده وحش وان تعبك بيروح ركزي واجتهدي انت شطورة

عرض الكل 10 نصيحة

عبّر عن شعورك بشكل مجهول

عاوزة اسمع اراء الناس ف مشكلتي عشان انا محتارة بجد وحاسة دماغي بتغلي 
في فريق في الكلية انا اللي عملاه وانا اللي تعبت فيه وضحيت عشانه ولازم يكون له دكتور مسؤولة عنه 
وكان في مؤتمر انا محضرتهوش لظروف شغلي وللاسف الدكتور يومها قررت انه مبقاش ينفع ابقى ليدر التيم ده رغم ان انا اللي عملاه وقالت شوية كلام الاغلب شافه تلاكيك عشان تمشيني رغم انها مشافتش مني غير كل خير 
وفي بنوتة كنت انا مخلياها ليدر التيم فترة بس بعد ما هي  خرجت حصل بينا مشاكل شخصية بس سبحان الله المؤتمر اللي انا محضرتوش ده هي كانت موجودة فيه والدكتور اتعرفت عليها ورجعتها للتيم رغم اني رافضة رجوعها بشكل تام 
والليدر المساعد تغيب عن المؤتمر ده برضه وبدون عذر وكمان مكنتش عارفة اوصله بس في بنت تانية هي اللي بتقدر توصله 
فسبحان الله الدكتور خلت الليدر المساعد اللي مكانش بيرد عليا ده هو الليدر والبنت اللي بكرهها دي هي الليدر المساعد مع ان مفيش معرفة سابقة عشان تختارها وكله عاوز يقنعني ان ده صدفة بس انا دماغي هتتجنن بجد 
انا دلوقتي في ناس عندها خبرة ف الشغل ده بتقولي كملي حتى لو مش ليدر متستسلميش وفي ناس بتقول اني اسيب التيم ومش مهم تعبي اللي راح وانا بجد محتارة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.